થોડાં નવા ઇન્દ્રધનુષ: December 2008

બહેરાશના ગણતંત્રમાં પડઘાઉ છું હજી
કૈં કેટલા આરોપસર ચીંધાઉ છું હજી
- મિલિન્દ ગઢવી

ક્યાંથી જન્મ્યો છે આવો ખંત મને?
કોઇ ભીતર મળે જ્વલંત મને!
- મિલિન્દ ગઢવી

એક પથ્થર છું હું પ્રતીક્ષાનો
સ્પર્શ ઢોળી કરો જીવંત મને!
- મિલિન્દ ગઢવી

એટલે થઇ જવાયું બેપરવા
ફર્ક પાડે ક્યાં આદિ-અંત મને?
- મિલિન્દ ગઢવી

હું ય જાળું કરોળિયાનું છું
રોજ રાખે છે તંતોતંત મને!
- મિલિન્દ ગઢવી

નામ મારું 'સુગંધ' પાડીને
કોણ કરતું ગયું અનંત મને?
- મિલિન્દ ગઢવી

રંગ ભગવો ખર્યો ગઝલમાંથી

લોક સમજે ન ક્યાંક સંત મને!

- મિલિન્દ ગઢવી

यूं मैं खुद से खफा नहीं होता

काश तुजसे जुदा नहीं होता

- मिलिन्द गढवी

મત્તા ખુદની વધારીને હવે દરિયો બની જાશું
નદીને આવકારીને હવે દરિયો બની જાશું
- મિલિન્દ ગઢવી

અહીં રાત માગ્યે મળે છે જ ક્યાં?
હયાતીનો સૂરજ ઢળે છે જ ક્યાં?
- મિલિન્દ ગઢવી