થોડાં નવા ઇન્દ્રધનુષ: Ruins of home

તાજા કલમ...

મૃત્યુદંડ

પછી એણે લખ્યું
"જિંદગી!" -
ને આ આશ્ચર્ય ચિહ્ન (!)
જાણે કે જિંદગી નો
પર્યાય બની ગયું

પછી એણે લખ્યું
"પ્રેમ" -
ને એની વ્યાખ્યા કરતાં કરતાં
એક આખી જિંદગી નિકળી ગઇ

પછી એણે લખ્યું
"હું અને તું" -
ને આ 'અને' જેટલું અંતર
અમારી વચ્ચે
કાયમ રહ્યા કર્યું

પછી એણે લખ્યું
"વિરહ" -
ને
કલમની ટાંકણીને
ટેબલ પર જોરથી દાબીને
તોડી નાખી

કોઇ જજ જેમ
મૃત્યુદંડ લખ્યા પછી કરે ને
એમજ...!!!

- મિલિન્દ ગઢવી

Ruins of home

No comments: