Sea Glee

હું
અને તું
બેસીશું કોઇ દિવસ
મૌન-શાંત આકાશ નીચે
ઘૂઘવતા દરિયાની ઊછળતી લહેરોની સાક્ષીએ;
હથેળીમાં ટેરવાથી કંડારશું હૈયામાં ધબકતી વાતને
ને પછી સ્પર્શમાં લખીને પાંખ જેવો શબ્દ
ઊડી જઇશું ક્યારેક પેલા પંખીઓની જેમજ મુક્ત હવામાં!!!
- મિલિન્દ ગઢવી

Expressions

उनके चहरे की कुछ अदायें हैं

जिनसे मौसम के नाम आये हैं

- मिलिन्द गढवी

Bride

જરાક નૈન ઉઠાવે તો કોઇ વાત બને

નજર નજરથી મિલાવે તો કોઇ વાત બને

- મિલિન્દ ગઢવી

She Inspires Poets

પ્રેરણા નામ છે એ છોરીનું
શેર એના ઉપર લખી તો જો!
- મિલિન્દ ગઢવી

The Drop

રોજ આંસુથી ગાલ ધોવાનું;

આંખનું કામ માત્ર રોવાનું?

- મિલિન્દ ગઢવી

( 'ગાંધીનગર સમાચાર' ; તા. ૨૭-૬-૨૦૦૮ )

Cry

देख मासूम निगाहे-तर में

आज भी ज्ञार-ज्ञार चीखें हैं!

- मिलिन्द गढवी

Sad Child

લાગણીનું રમકડું તૂટ્યું કે???

કેમ બાળક રિસાઇ બેઠું છે?

- મિલિન્દ ગઢવી

Adam & Eve

પ્રેમમાં જે હોય છે અધીરાઇ

છેક આદમ-ઈવના વખતથી છે!

- મિલિન્દ ગઢવી

Regret

જોઇએ છે એટલો ભૂતકાળ પણ નથી

ને સમયને આપવા કોઇ ગાળ પણ નથી!

- મિલિન્દ ગઢવી

( 'ગાંધીનગર સમાચાર' ; તા. ૨૭-૬-૨૦૦૮ )

With Her Time Just Runs

કાચબાની જેમ ચાલતી

આપણી ઘડિયાળ

તેની પાસે હોઇએ

ત્યારે અચાનક

સસલી બની જાય છે.

Einsteinએ સાચું જ કહ્યું છે:

'TIME IS RELATIVE'

- મિલિન્દ ગઢવી

( 'ગાંધીનગર સમાચાર' ; તા. ૧૬-૫-૨૦૦૮ )

Time Hammers

નક્કી જ સમય

ઘાવ કરતો હશે.

નહીંતર આપણે કેમ

ઘડિયાળને

પૂછ્યા કરીએ છીએ:

'કેટલા વાગ્યા?'

- મિલિન્દ ગઢવી

( 'ગાંધીનગર સમાચાર' ; તા. ૧૬-૫-૨૦૦૮ )

The Show Is Over

મંચનો પડદો પડ્યો, ચાલ્યા ગયા;

સીટનંબર થઇ ગયેલા માણસો!

- મિલિન્દ ગઢવી

Bent upon its stalk

હશે એ નમ્રતા? કે ભાર લજ્જાનો? કે બીજું કૈં?

જુકેલી ફૂલની ગરદન ઘણા પ્રશ્નો જગાવી ગઇ!

- મિલિન્દ ગઢવી

Lets Go Back

ક્યાં સુધી કરશો પ્રતીક્ષા યારની?

ટ્રેન તો ચાલી ગઇ છે ક્યારની.

- મિલિન્દ ગઢવી

Relations

ક્યાં-ક્યાં લાગ્યા કામ? લખી દે

સંબંધોના નામ લખી દે

- મિલિન્દ ગઢવી

Sad moments

જિંદગીના બધા જ રંગોને

કોઇ ચોરી ગયું ઉમંગોને

- મિલિન્દ ગઢવી

Dancing

રોજ એકાદ મુગ્ધ અવસરમાં

કોઇ નાચી ઊઠે છે આ ઘરમાં

- મિલિન્દ ગઢવી

A Walk In Pink

ફૂલો ઊગ્યા ફળિયે

પુરગુલાબી જાજમ તારા ચરણોના ચોઘડિયે

- મિલિન્દ ગઢવી

Beneath these eyes...

સ્વપ્નની સીમ લગ પગેરું છે;
આ નજર કંઇક જાણભેદુ છે!
- મિલિન્દ ગઢવી

My loving companion

પ્રેમ તો બસ થઇ જવાની વાત છે;

પ્રેમની કૈં વ્યાખ્યા હોતી હશે?

- મિલિન્દ ગઢવી

Colours around

તારી જ આંખ જોઇ શકી ના ઉજાસમાં

રંગો તો કેટલાય હતાં આસપાસમાં

- મિલિન્દ ગઢવી

Together

એક્કેય મુલાકાતની પળ છોડવી નથી

ખૂશ્બો ભરેલા હાથની પળ છોડવી નથી

- મિલિન્દ ગઢવી

Madhukar

પુષ્પ કેરી પ્રીતમાં કોને ખબર

હું ભ્રમરમાંથી બન્યો ક્યારે કવિ!

- મિલિન્દ ગઢવી

Mehdi

હતું હસ્તરેખામાં નથી નામ મળતું એ

બહુ થાક લાગ્યો છે મહેંદી મૂકાવીને

- મિલિન્દ ગઢવી

Naughty eyes

હોંઠો પર તાળા એ જ બધા

આંખોના ચાળા એ જ બધા

- મિલિન્દ ગઢવી

Welcome

છે આવકાર ગુલાબી ક્ષણોનો આંગણમાં

કહો કદમને પધારે ઉમંગભેર હવે!

- મિલિન્દ ગઢવી

Watching the evening

નિશબ્દ આંખનો સતત વિસ્તાર એ જ હું

તારા શહેરની સાંજનો સૂનકાર એ જ હું

- મિલિન્દ ગઢવી

A fairy from the flowers

રંગભીના પતંગિયા લઇને

ફૂલમાંથી કોઇ પરી આવી

- મિલિન્દ ગઢવી

The Locked Window

પ્રેમ બારામાં કશું ક્યાંથી લખું?

શબ્દની બારી ઉપર તાળા મળે.

- મિલિન્દ ગઢવી

She is sad again

માન તો તારી બધી સંવેદનાઓ હું જ છું

સ્પષ્ટતાપુર્વક કહું તો વેદનાઓ હું જ છું

- મિલિન્દ ગઢવી

Simplicity

આ સરળતા, સૌમ્યતા ને સાદગી

હું તને ચાહું નહીં તો શું કરું?

- મિલિન્દ ગઢવી

Is there a smile?

તું જ નક્કી કર સમયના હોંઠ પર

સ્મિત છે કે સ્મિતનો આભાસ છે?

- મિલિન્દ ગઢવી

The Wait

ન એના આગમનના છે કશા અણસાર, તો આજે
પ્રતીક્ષાનું બહાનું દઇ ક્યાં આંખોથી ઉદાસી ગઇ?
- મિલિન્દ ગઢવી

Prisoned

એક દરિયાનો ખાલીપો જાણે

બારીમાંથી જુએ છે વાદળને

- મિલિન્દ ગઢવી